قصة حب اتولدت هنا ..ما بيننا وفى وسطنا ..أجمل ما فيها هى ..بحبك يالى فى بالى بقى مش ضرورى تعرفو اسم حبيبتى

[center]عارفين حبيبتى مين وعملت فيا اية ؟
كل يوم باعيش معاها احساس غير التانى
فى لحظة بابقى اب وبخاف عليها بجنون
وفى لحظة بابقى ابن وعايز استخبى فى حضنها
وفى لحظة بابقى حبيب عنـدى حنية الدنيا كلها ليها
نفسى اعيش ليها طول عمرى ..تفضل ادام عينيا
احبها وتقوينى ..اوحشها وتتطمنى
اتخلقت عشان احبك
واتخلقتى عشان تكونى ليا
كل يوم بتكونى فى حضنى
وانا قلبى وعينى صاحيين عشان يضموكى يا حياتى
عينى بتدمع دمعة جاية من قلبى
تنزل على خدك تدفيكى يامارو
تقولك انا ليكى وانتى ليا
عمرى معاكى ابتدى من يوم ما اتخلقت
حبيتك وعشقتك ودوبت فيكى بجد
ميرنا انتى كل حياتى ...انتى انا
ماتسيبنيش يا امى
خليكى معايا يا اختى
ماليش غيرك يا بنتى
اخترتك حبيبة لقلبى
وونيسة لعقلى
وشريكة لروحى
عايز اقف على اعلى حتة فى الكون
واقول بكل القوة اللى خدتها منك .بحبك
حبك خلانى اقدر اعلم كل العشاق الحب
انتى امانى ..وحنانى ...وحياتى كلها
عايز اشوفك ...أجرى عليكى ...اضمك ليا
عايز انسى كل لحظة عشتها قبلك
ماليش غيرك ...ومش هاكون غير ليكى
نفسى احط ايدى على خدك واكون شايف عينيكى
واهمس بقلبى واقولك بحبك
هتحسى بكل حاجة جوايا ..وكل حاجة فيا
نفسى احضن ايديكى بايديا
نفسى اضمهم ليا ..واخدهم فى حضنى
انتى حتة منى...مستحيل نكون اتنين
باتنفس النفس اللى انتى بتتنفسية
عايش بيكى يا مارو..عايش بيكى وليكى
عارفة حاسك اية ..حاسك بنتى
كل يوم باصحيكى ...وانيمك ..واتطمن عليكى
اسرحلك شعرك واعيش معاكى اليوم كلة
ممكن اكون بعيد عنك ..بس انا بعيد عشان اوحشك
عشان حبك ليا يزيد ..وحبى ليكى يقيد
كل حاجة فيا مكتوبة باسمك
انتى اللى زرعتيها فيا ..وانتى اللى هتحصديها منى
تعرفى وانا نايم ....ساعات باحس روحى بتروح منى
بتروح منى عشان تسكنك يا مارو
قلبى مش راضى يرجعلى
وروحى مش راضية ترجعلى
كلى بقيت ليكى
كلى بقيت منك
كل حاجة فيا راحت منى ليكى
ومش عايز حاجة ترجع ..عايز افضل ملكك
زى مانتى ملكى
عايز افضل بين ايديكى
من زمان نفسى اغمض عينى فى حضنك
حضنك بيتى ومطرحى
باهرب من الدنيا كلها واجرى علية واتطمن معاة
كل حاجة فيكى بتكلمنى وتحكيلى وتشاغلنى
كل حاجة فيا نفسها فيكى وبتقولك وحشتينى
يوم لقانا هيكون اجمل ايام حياتى
هاشوفك يا تؤام روحى
عينيا هتكلم عينيكى
ايديا هتحضن ايديكى
هاخد ايدك احطها على قلبى علشان تحسى بدقاتة
ياما سهرت لوحدى
تعبت كتير من غيرك
كان بيوحشنى صوتك ..وحضنك..وقلبك..وهمسك
كل حاجة فيكى بحبها وبتوحشنى من قبل ما اشوفك
بحبك يا مارو

--------------------------------
مش محتاج اقول ان دة مش شعر ..ولا كلام ...ولا قصيدة
دة احساس ..همس حب
بحبها وبتوحشنى
وماليش غيرها فى الدنيا
كنا فى انفايت انا وعبد الحكيم وهنا مشرفين الحب ومارو طبا
وكتبت كدة غصب عنى وانا مش حاسس
وقولوا انى مسلم ليها روحى وقلبى وعقلى
وانى بحبها
واللـه بحبها
ساعات من كتر ما بتوحش عينيا بتدمع
واللـه بجد عينيا بتدمع
زى ما بتدمع دلوقتى
بخاف تزعل منى
بخاف عليها من اى حاجة وكل حاجة
دايما شايفها بعينيا وحارسها بروحى وضاممها بقلبى
ساعات بتصعب عليا نفسى ..واقول كنت عايش من غير ما احتاج لحد ..من غير ما اجرى على حد
من غير حضن حد ..وبعديها على طول انسى نفسى الأيام دى ..وابكى من فرحتى بيكى

بجد مش عارف افتكر ولا يوم عشتة من قبلك
وكل يوم بافتكر يوم بعد يوم عايشة معاكى
بكل حاجة حلوة فية
وحشنى البيبى اللى جوايا اللى كان نفسى يطلع من زمان
واتولد من تانى على ايديكى
بحبك بعقلى ..وبقلبى وبروحى وبكل حاجة فيا يا مارو
وحاببك بكل حاجة فيا