medo
مشرف
عدد المساهمات : 230
نقاط : 627
تاريخ التسجيل : 18/04/2009
العمر : 50
 |  موضوع: مجموعة أقنعة وماسكات  11/06/09, 01:53 pm | |
|
النهاردة انا جاية وجايبة معايا شوية ماسكات
حلوة اوي لبشرتك
وبتعالج معظم المشاكل اللي البشرة بتواجهها
ان شاء الله تعجبكوا وتجربوها
وابقوا قولولي علي النتيجة
ماسك هايل هايساعدك علي التخلص من مشكلة الرؤوس السوداء بشكل نهائي وهو
ماسك طين البحر الميت
المكونات:
- 4 ملاعق كبيرة زبادي
- 2 ملعقة صغيرة طين البحر الميت
- 2 ملعقة صغيرة ماء بطاطس
الطريقة :
- اخلطي جميع المكونات جيدا لعمل عجينة لينة وتوضع علي الوجه مع تجنب المناطق الرقيقة حول العينين ومع الاسترخاء لمدة 15 - 20 دقيقة وبعدين اغسلي وشك بالمية الفاترة . وخدي بالك ان الماسك ده بيستخدم بمعدل مرة واحدة اسبوعيا وبحد اقصى مرتين اسبوعيا لانه بيعرض البشرة للجفاف.
ماسك للتخلص من آثار الحبوب
المكونات:
- ملعقة خميرة
- ملعقة عسل
- ملعقة دقيق
- ملعقة ماء
الطريقة :
تذوب ملعقة خميرة في ملعقة كبيرة ماء ثم اضيفي ملعقة عسل وملعقة دقيق وتخلط كل المكونات لحد ما تكون زي العجينة في السمك .. أفرديها علي الوجه ماعدا طبعا منطقة العين والشفاة واتركي الماسك لمدة عشرين دقيقة وبعدها اشطفي الوجه بماء دافيء.
وتأكدى ان النتيجة مذهلة .. ماسك الخميرة بينظف البشرة ويفتح لونها ويضفى عليها نضارة ويخفي أي اثر للحبوب الموجودة .. انصح بالماسك مرة في الاسبوع.
ماسك البطاطس
المكونات :
ثمرة بطاطس - لبن حليب
الطريقة
- اسلقي البطاطس واهرسيها
- اخلطي البطاطس المهروسة مع اللبن وياريت في الخلاط لغاية ما تبقى ناعمة
- ضعي الخليط علي وجهك واتركيه لمدة نصف ساعة حتى ينشف ثم اغسلي وجهك بالماء البارد .. علشان غسيل الوجه بالماء البارد ثم الدافئ بيعطي للبشرة انتعاشاً.
- جربي الماسك ده مرة كل اسبوع وسوف تلاحظين الفرق.
ماسك الزبادي والليمون
من اكثر المواد التى تساعد على تفتيح البشرة الزبادى بالليمون
المكونات :
زبادي - ليمون
الطريقة
- توضع نقطة أو اثنتان من عصير الليمون علي الزبادي
- وضعي الخليط علي وجهك لمدة ساعتين إلى ان ينشف هذا المسك ثم اشطفي وجهك بالمياه.
مجموعة من الماسكات الهايلة اللي هاتساعدك علي علاج مشكلة حب الشباب :
1. ماسك الردة
المكونات :
ردة - لبن
الطريقة :
- تخلطي الردة مع اللبن وتحطي الخليط ده علي وشك ثم تغسلي وشك بالمية الدافية والماسك ده بيعقم وشك وبيمنع ظهور حب الشباب.
- أو هاتي خميرة بيرة ودوبيها في مية وأشربي كوباية منها بعد كل وجبة غدا وده لأن الخميرة البيرة بتحتوى علي فيتامين ب اللي بيكون علاج فعال في علاج حب الشباب.
2. ماسك العسل مع الليمون والجلسرين
المكونات:
- 6 معالق كبيرة عسل
- ملعقة كبيرة جلسرين
- ملعقة عصير ليمون
الطريقة:
- ادهني بيهم الوجه وسيبيه لمدة ساعة وبعدين شيليه واغسلي وشك بالمية وهتشوفي النتيجة
د
ي بقى وصفات هايلة لتفتيح الاماكن الغامقة من الجسم
1. ماسك قشر الموالح
المكونات:
- قشر برتقالة ناشف.
- زيت اللوز المر.
- زيت الجلسرين.
الطريقة
- هاتي قشر ليمونة ناشف وقشر برتقالة ناشف واطحنيهم لغاية ما ينعموا وحطيهم في علبة
- خدي ملعقتين أو حسب المنطقة المراد تفتيحها وضيفي ليهم خليط متجانس من زيت اللوز المر وزيت الجلسرين بالقطارة لغاية ما يبقى الخليط زي المعجون وافردي المعجون علي المناطق السمراء 10 دقائق كل يوم والماسك ده بيساعد علي تفتيح مناطق الركبة والرقبة والكوعين وده لأن المناطق دي بتتعرض دايما للاحتكاك سواء بالملابس زي الرقبة أو بالسند علي الكراسي أو الترابيزات. 2.
ماسك زيت الخروع لتفتيح الاماكن الحساسة وتحت الإبط
المكونات :
زيت خروع
الطريقة :
- تجيبي زيت الخروع وتدهني بيه المنطقة دي 3 مرات يوميا لمدة شهر وهتشوفي الفرق.
3. ماسك لتبيض الايدين
المكونات :
- 1 ملعقة كبيرة عصير ليمون طازج
- 3 معالق صغيرة جلسرين
- 1 ملعقة صغيرة ماء بطاطس مصفى
- 10 نقط من خلاصة البنزوين "اشتريه من عند الصيدلية".
الطريقة :
- يضاف عصير الليمون للجلسرين ثم يضاف لهما ماء البطاطس ثم يضاف البنزوين نقطة تلو الاخرى .. يقلب الخليط جيدا ً .. يحفظ المستحضر في زجاجة ثم يرج عدة مرات
- يمكن استعمال هذا المستحضر عدة مرات يوميا.
ماسك لعلاج الخطوط البيضاء بالجسم بشكل نهائي
المكونات:
خل تفاح
الطريقة:
- ادهني جسمك بخل التفاح بالليل واغسليه الصبح وطبعا لو هتضايقي من الريحة خليه علي الاقل ساعتين أو ثلاث ساعات بالليل وبعدين اغسليه وإن شاء الله النتايج تعجبك بس الاستمرار هو شرط النجاح زي ما انتم عارفين يعني لازم تستمري علي الوصفة دي علي الاقل لمدة شهر يوميا . وخل التفاح تحطيه من غير تخفيف وتدلكيه لغاية ما تمتصه البشرة.
مجموعة ماسكات طبيعية لتفتيح البشرة من الشمس
وانتي اختاري المناسب ليكي
1. ماسك اللـــــــوز
المكونات :
- لوز مطحون
- بياض بيضة
- نصف ليمونة
الطريقة :
- انقعي اللوز في الماء حتى تستطيعي نزع القشرة منه.
- اطحني اللوز المقشر في الخلاط حتى يصبح بودرة.
- اخلطي اللوز المطحون مع بياض بيضة مع نصف الليمونة حتى تتجانس مع بعضها البعض.
- ثم ضعي الخليط علي وجهك لمدة 20 دقيقة وقومي بغسل وجهك بماء دافئ ثم ماء بارد بعد ذلك.
- كرري هذه العملية كل يوم وسوف ترين الفرق.
ماسك الموز
المكونات :
موز - نصف كوب من اللبن
الطريقة:
- تهرس الموزة
- يوضع عليها اللبن ويخلط جيدا.
- يوزع الخليط علي البشرة مع التركيز علي الاماكن الغامقة في البشرة.
- يترك لمدة ربع ساعة ثم تغسلين الوجه بالماء بس المياه تكون فاترة
- الماسك ده مش بيبيض الوجه بس لأ وكمان بيكسبه نعومة وحيوية ليس لها مثيل.
قناع اللبن بالدقبق:
يستخدم هذا القناع لتبيض البشرة العادية و الدهنية فقط .
دون البشرة الحساسة او الرقيقة ، و يتكون هذا القناع من 3 ملاعق دقيق نقى و كمية مناسبة من لبن الحليب الطازج و عصير ليمونة واحدة
و تضاف هذه المكونات الى بعضها و تخلط خلط جيد الى ان تتكون عجينة لينة يتم وضعها على البشرة و يترك هذا القناع على البشرة لمدة 20دقيقة ثم يزال بالماء الدافىء
منظّف البرتقال والزبادي علاج ممتاز للرؤوس السوداء والبشرة الدهنية :
المكونات :
ـ 2|1 و 1 ملعقة كبيره من الزبادي.
ـ 1 ملعقة كبيرة من قشر البرتقال المبشور.
ـ 1 ملعقة كبيرة زيت عُصفُر.
ـ 1 ملعقة كبيرة مطحون الشوفان
التحضير والاستعمال :
تُخلط المكونات جميعها ببعضها البعض لعمل عجينة.
تستخدم هذه العجينة في عمل تدليك للبشرة بأطراف الأصابع في حركة دائرية ، مع تجنب المناطق الرقيقة تحت العينين.. ويستمر التدليك لحوالي 5 دقائق.. ثم يشطف الوجه بالماء الفاتر ، ويُجفف.
يعتبر هذا المستحضر من المنظفات القوية للبشرة ومن العلاجات الفعّالة للغاية في التخلص من الرؤوس السوداء التي تظهر بالبشرة الدهنية.
وهو يستخدم بمعدل مرة واحدة يومياً بالنسبة للبشرة الدهنية.. أما لأنواع البشرات الاُخرى ـ أي العادية والجافة ـ فيكفى استخدامه مرتين اُسبوعياً
| |
|
